Jason's 私生活

打開個網頁, 係左邊自己改個名之後Validate, 打完一場之後呢, 就可以幫你create的人加個Password, 每一日可以打3-4場, 唔會太花時間!

 

[MY BRUTE]一隻近期熱門網頁對戰遊戲
你可以做一個人出黎上網同人打...不過全程自動波....
一開始左邊佢會要求你改一個名做一個人物出黎....而右手邊呢個就係我...
一開始係對我個人物~不過係唔計勝敗分數既
只係一場你進入呢隻game既啟蒙戰...
之後打完一場就開始就可以同其他人對戰...第一日打6場...之後每日係打3場~~可以無聊哂下時間

大家一齊黎玩下啦...依家隻game有成過萬人玩~~每小段時間都有比賽

能力數值
力量(Strength):越大,每次所造成的傷害就越大。
敏捷(Agility):越大,成功閃避攻擊的機率越大。
速度(Speed):越大,出手攻擊的速度就越快。
血(HP):越高越不容易死。
選擇ARENA進入戰場
選擇對手後 FIGHT
每次昇級就隨機增加一樣能力數值,並隨機得到武器或特殊技能。


技能說明:
#1.Herculean Strength:增加力量值(Strength)
#2.Feline:增加敏捷值(Agility)
#3.Bolt of Lightening:增加速度值(Speed)
#4.Vitality:增加生命值(Health points)
#6.Master of arms:使用刀劍武器時,加強傷害
#7.Martial Arts:空手時,加強傷害
----------------------------------------------------------------------------------
#8.6th sense:預測敵人攻擊,在被攻擊前反擊
#9.Pugnacious:戰鬥中遭受攻擊時,有機率反擊
#10.Tornado of blows:增加連續攻擊的機率
#11.Shield:戰鬥中可以使用盾牌,增加格擋機率
#12.Armour:戰鬥中穿上盔甲,增加防禦力
#13.Extrx-thick skin:些微降低受到的傷害
#14.Untouchable:增加閃避敵人攻擊的機會
----------------------------------------------------------------------------------
#15.Sabotage:戰鬥中破壞擁有的敵人武器
#16.Impact:戰鬥中打落敵人正在始用的武器
#17.Strong arm:使用鎚類等重武器時強化傷害
#18.Implacable:戰鬥中有機會一擊必殺
#19.Survival:傷害高於自身hp值時有機會留下1點hp
#20.Thief:戰鬥中有機會奪取敵人正在使用的武器
#21.Fierce brute:使出幻影衝擊對敵人造成的傷害
----------------------------------------------------------------------------------
#22.Tragic Potion:戰鬥中有機會喝藥水來回復損傷
#23.Net:戰鬥中有機會使用網子封鎖敵人的行動,直到敵人受到攻擊才解除
#24.Bomb:戰鬥中有機會投擲炸彈,造成敵方傷害
#25.Hammer:戰鬥中有機會使出摔技,可以造成敵人嚴重傷害
#26.Deluge:戰鬥中有機會使出武器投擲的技能
#27.Hypnosis:戰鬥中有機會操制敵人的寵物
#28.Cry of the Damned:戰鬥中有機會使出詛咒,嚇跑敵方寵物

 

行陸路原來需時六個鐘...善哉..!!

真係送"特異功能"~~~

係能預知天氣既"風濕"....

頂~~~又唔送預知地震~~!!!!

[慘!!冇覺好訓!!!!]

冇 Break,冇水,冇錢,冇介紹....
播MMO 都仲要做人肉佈景版....

前面果D就係咁碌咭......

當年"198x"做"茄哩啡"...
萬水千山,披星戴月多年...都諗住搵唔返!!...
居然響休養期間..無意中搵到......
*背景"再見 Puppy Love"..男聲我唱既....頂得住冇??!!

  

第一個 9日...

響 QE ,入院唔夠一日,隔離個床位就急救左一粒鐘就 checkout..

係我黑仔 or 唔好腳頭..跟住就調左我入雙人房...

個 room-mate 亞伯就住左三個月醫院..大腿開左三次刀..

聽佢講原因係亞伯去街市買菜..比人地買既魚刺到..發炎跟住肌肉僵硬..

開左幾次刀化驗都未搵到原因.....

[唉..唔怪得D人話醫院好污糟,真係好多菌!!!D日子點過??]

哈..曙光出現了...

有條老餇走泥問我有冇煙...下??咁響邊度煲??初頭話廁所..[唔好掛!!咁唔比面!!]

後尾就帶我去樓下...

原來各個病房既人都響果度...~~~~~~

好似監獄咁.."你點衰入泥??"

跟住既日子...響病房係搵唔到我.....

[續]..

 

發生在2008 年一月二十日凌晨3:00~4:00

走去麥當奴[北京道]買野填肚,仆街洗樓梯,仲係皂水浸滿哂..

[冇小心地滑牌 or 拉紅黃帶]

都好小心咁扶住落,咁就領野..跣左落樓..

隻右腳痛到...............................................!!!!!!!!!!!

第一個念頭就諗住甩較,快D去 QE..又唔想濫用 999 資源..

咁就又拐又跳上樓諗住截的士..點知上到去嘗試掂地..就成個人落地...

焗住打 999 call 白車...去到急証照 X 光..骨折..要立即留院..

到 7:xx 左右有醫生問我打石膏 or 開刀鑲螺絲...

咁好人好姐梗係唔想開刀..咁就打石膏啦.....

困左響醫院九日..終於比我出院...不過出院後硬係覺得唔係好妥,等覆診就二月六日[年卅晚]..

唔好啦..都係睇私家醫生...再照 X-Ray...移左位...要開刀..二月五日入浸會開刀[法國冇位]..

到頭來都係要咁.............

第一眼望呢張片.."嘩!!!洗唔洗咁多螺絲呀??!!六口??!!!炒電單車都冇咁傷啦!!!!!"

又係住左九日....出院後一星期覆診...

仆街丫~~~開刀傷口發炎..要入醫院打抗生素....

係咪黑成咁呀........

 

今日做煲 Function ..穿屎 & Joey 慶功 + 亞嬌 生日 Party...冇乜特別...

想講下既就係舊年2007 DEC 24[X'mas Eve] + 31[new year eve]...

明知 12:00 am 前 果幾分鐘 係非常時期..D廢話 SMS 就轟炸而來...

電話就不停咁震..唔知好嬲定好笑...完全係騷優成份高過祝賀....

最好笑係..一月一日 22:00 約宵夜既 sms ,三號 03:00 先收到~~!!

  都冇乜特別~~照樣係開工不足,但係又餓你唔死果隻~~!!

每日就..唔係開工,宵夜..就..放假煲電視劇..!!

[dexter,supernatural,heroes,reaper..etc..]

  Felix 早幾日打泥,話下個月有煲堂會要彈隻"大無畏"[消防員之歌]..都唔知乜春泥既??

以我紙扎舖經營方式,梗係.."聽朝要交貨就今晚溜夜開工"~到時再算~~~!!

  摯愛Davy就半借半送咁..拎左部 M-Box2 泥比我玩..

[其實最主要就搵佢(M-Box2)做 key(dongle)開 protools][開頭仲話比部Digi003我試..唔開咁煩啦!!]

一開 Pro-tools..差D唔記得點用..[對比早幾年前做 recording studio 時既 version 真係唔同左~]

不過以本少爺既聰明才智..摸一陣就..又可以打返入冷宮..update 完自己..就先..有事鐘無艷~~~~!!!

  今日接個行家打電話泥詐形"阿邊個"!!..傾左一陣..先發覺近呢幾年..D所謂 Agent 既仆街真係好冇責任感兼冇道義...

初初搵你做野就話好簡單好易攪..收順D啦~應承左佢後..跟住就..唔係日日就隔日打泥又話乜又要咁,

工作量就越泥越多..加要求多多..再加時間長左..錢就冇加兼想你做埋份外事..仲要干涉你果 team 人 唔好搵阿邊個..!!

最後就答佢一句"醒扒既,最好就唔好制啦~""我過來人,賺就辛苦錢,最慘,係事後..未如理想就實比行內唱到九彩~!!"

幾乎都係露天..唔係熱Q死就大風吹..仲要吹走D歌譜,執唔返~~!!!!!

今年終於有食月餅..食左八份一件~~其他有剩既,照往常一樣..放響雪櫃..雪到過期掉之哉~!!

尋晚收工撘巴士時,望左一陣 Roadshow 飲食介紹...

唉..."芝士榴槤煮羔蟹"~~

D味咁濃,駛差用羔蟹咩!!用死老鼠咪一樣效果~~~~!!!

居然冇野做...[D社區冇錢攪露天show???]..

睇怕要去衣紙舖買D 橋呀,金童玉女,豪華房車 扮燈籠..去掃下場....!!  

今個星期日飛~~ 

頂佢個肺..飛足七日[幾冇人性~]

聽晚朕唔駛上朝,諗住召佢食餐飯[佢請],又話要入 IP 睇佢條靚 final 比賽...

............................................................................................

朕下星期若發生乜事....邊個比朕虐打出氣??????

 

有邊個你認得??有邊個認識我老頭子??